Trajneri i Kombëtares Shqiptare, Sylvinho prezanton duelet me Moldavinë dhe Ishjut Faroe në 17 dhe 20 qershor.
Braziliani i stolit kuqezi u përqëndrua te lista dhe fokusi për të kaluar me sukses këto 180 minuta shumë të rëndësishme për fatet e grupit eleminator pas humbjes minimale në Varshavë.
“Është një moment delikat. Faza e parë e punë ishte ndjekja e të gjithë lojtarëve. U them lërherë të gjithëve se mund të menaxhojmë gjithçka. Duhet të menaxhojmë mirë të gjithë lojtarët. Jemi në një moment delikat e pranoj por duhet të menaxhojmë në mënyrën perfekte të gjithë.
Jam shumë i kënaqur sepse kemi një grup të ri të miksuar me eksperiencën dhe 2-3 lojtarë më shumë se sa ndeshja e parë dhe mund të bëjmë mirë. I njoh më mirë lojtarët dhe tashmë do të punoj sërish me ta dhe do të kem më shumë kohë në dispozicion.
Do të luajmë 7 finale dhe ne duhet të fitojmë duke luajtur mirë. Unë në këtë moment mendoj vetëm për Moldavinë. Të gjithë duam të kualifikohemi dhe jam i bindur se në 17 qershor njerëzit tanë do të na ndihmojnë të fitojmë ndeshjen. Janë dy ndeshje të rëndësishme por për biletën e Euro 2024 duhet të mendojmë për 7 ndeshjet në total.
Muçi po bën shumë mirë dhe e meriton grumbullimin ndërsa Sadiku rikthehet pas 3 viteve dhe ai ëahtë një lojtar që na njeh mirë. Ai shënon dhe është i rrezikshëm brenda zonës e do të na ndihmojë sepse ne duam të fitojmë. Dua që të shkojmë e të luajmë me 100% të mundësive, jo me 80 %.
Do na mungojë një lojtar si Kumbulla ndërsa nuk do të ketë ndryshime në listë pas dëmtimit të Gjasulës sepse kemi një listë të bollshme. Është puna e trajnerit të mësojë skuadrën edhe të sulmojë. Ne kemi lojtarë të mirë e të fortë. E rëndësishme në futboll është që skuadra të ketë ekujlibër më shumë se sa fakti që skuadea duhet të jetë mbrojtëse apo sulmuese.
