Fitorja 1-0 kundër Letonisë në Grupin K kualifikues të Kupës së Botës 2026, i ka dhënë Kombëtares disa pikë shtesë që e kanë bërë të ngjitet me një pozicion në renditjen botërore. Tanimë kuqezinjtë e Sylvinhos e shohin veten në pozitën e 67-të, duke kaluar Gjeorgjinë.
Në përditësimin e ri që pritet pas një jave, FIFA do zyrtarizojë vendin e ri të Shqipërisë. Edhe pse diçka e tillë nuk ndikon në garë, pikët e fituara në FIFA na japin një pozicion falë rezultateve në fushë.
Kujtojmë se trajneri Sylvinho e mori ekipin nga Edy Reja në pozitën e 68-të, teksa rezultatet e vitit të fundit e kishin lënë në vendnumëro.
Ndërkohë, ajo që bie në sy për renditjen e re të FIFA-s pas ndeshjeve të shtatorit, është pozicioni i ri i përfaqësueses së Kosovës, që ka vendosur rekordin e radhës në ngjitjen e saj graduale të viteve të fundit. Falë suksesit 2-0 me Suedinë, tashmë Kosova mban vendin e 91-të.
