Nje tjeter shkodran i pari ne konkurset nderkombetare. Geart Ferhati, nje kodues i ardhshem qe fitoi konkursin “Tech-Fest Coding Contest”. Ka qene gjimnazi “Sami Frasheri” ne Tirane ku ai ndjek studimet qe ka ndare lajmin:
Statusi i shkolles:
Lajm shumë i bukur!
Gearti ynë, renditet i pari në konkursin ndërkombëtar të kodimit Tech-Fest Coding Contest, organizuar dhe mbështetur nga Ambasada Austriake, Advantage Austria dhe Austrian Business Agency.
Gearti ka arritur të zgjidhë saktë dhe në kohë rekord 10 sfidat e këtij konkursi, duke u renditur kështu në vendin e parë, me numrin më të lartë të pikëve nga të gjithë pjesëmarrësit.
Në këtë aktivitet morën pjesë mbi 300 kodues të niveleve junior, senior dhe expert, nga Shqiperia, Kosova dhe Maqedonia e Veriut.
Sfidat u zgjidhën në kohë reale, duke filluar nga ora 11:00 – 15:00 e ditës së shtunë.
E si në çdo kompeticion, më të mirët do të shpërblehen. Gearti, së bashku me një grup koduesish fitues, do të marrin pjesë në një konkurs kodimi në Austri.
Forca Geart, presim fitoren e rradhës!
Je krenari!
