Në një kohë kur disa prej bashkive në Shqipëri e kanë nisur sezonin turistik, Shkodra duket se nuk është ende gati. Problematikat që duhet të zgjidhen janë emergjente dhe nga tryeza e komitetit rajonal për zhvillimin e turizmit, prefektja Majlinda Angoni renditi disa prej tyre, të cilësuara emergjente. Pastërtia, niveli i zhurmave dhe menaxhimi i trafikut janë kryesoret.
Vija bregdetare dhe ajo liqenore duhet të garantojë siguri për pushuesit dhe në këtë pikë, masat për vrojtuesit dhe largimi i mjeteve lundruese jashtë standarteve, janë dy zgjidhjet e para. Nënkryetarët e bashkive bashkë me pasqyrimin e situatës, nuk fshehen as kritikat. Numri dy i bashkisë Pukë Ferit Ringaj shenjestroi qeverinë për lënie pas dore të kësaj zone, ku në 2 vite nuk është dhënë asnjë investim.
Shkodra si një qark me turizëm të ndërthurur, për zonat malore shqetësim vijon të ketë mungesën e energjisë elektrike, ku më e prekur mbetet Malësia e Madhe me Lëpushë – Vermoshin, Razmën etj.
