Sekuestrohet një anije peshkimi me naftë kontrabandë në portin e Durrësit. Duke iu referuar burimeve nga policia dhe dogana raportohet se janë sekuestruar rreth 50 mijë litra naftë kontrabandë.
Anija e sekuestruar “Geni” është e katërta anije peshkimi që zbulohet me naftë kontrabandë në hambarin e saj.
Anijet e peshkimit, prej vitesh janë kthyer në protagoniste të kontrabandës së naftës në vend. Ato e marrin me çmim shumë të ulët në vendet e Lindjes së Mesme, me pretendimin se po furnizohen për nevojat e veta dhe pastaj e shesin në treg me çmim shumë herë më të lartë.
