Rikthehen reshjet e dëborës në zonat malore të qarkut Shkodër, më shqetësuese situata në drejtim të Qafë Thores dhe Lëpushës e Vermoshit. Kërkohet kujdes nga drejtuesit e mjeteve si dhe përdorim i zinxhirëve.
Njoftimi i ARRSH:
Në Qafë Thore kanë filluar reshjet e dëborës me intensitet. Mjetet borëpastruse kanë vijuar punën pa ndërprje. Rruga është e hapur për qarkullimin e mjeteve. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
