Disa minuta reshje shiu kanë mjaftuar për të shkaktuar përmbytje në lagjen Besëlidhja të qytetit të Lezhës. Situata, e cila përsëritet çdo vit, vazhdon të mbetet pa një zgjidhje konkrete. Bllokimi i hyrjeve të pallateve ka krijuar vështirësi për banorët, duke e bërë të pamundur qarkullimin e tyre në këto kushte.
Sipas Bashkisë Lezhë, pritet që brenda këtij viti të nisë investimi për sistemimin e ujërave të bardha dhe të zeza, një projekt që synon t’i japë një zgjidhje përfundimtare kësaj problematike të vjetër.
