Kryeministri Edi Rama ka nisur vizitën e tij në qytetin e Shkodrës, ku ditën e ka nisur me prezantimin e kandidatëve për deputet, pjesë e skuadrës së re për Shqipërinë në BE. Pas këtij takimi, Rama do të kryejë një tur inspektimesh në disa investime publike si: rruga Shirokë- Zogaj, hyrja e Shkodrës dhe shkolla “Ndre Mjeda”. Gjithashtu nga kryeqendra e veriut Rama do të prezantojë edhe “Paketën e maleve”, ndërsa vizitën e mbyll me takimin me rininë ne Kinema Millenium, ku prezent do të jenë edhe kandidatët për deputet.
