Në kuadër të procesit të riorganizimit të strukturave të Partisë Socialiste në Shkodër, drejtuesi politik i qarkut, Benet Beci, zhvilloi një takim me drejtuesit lokalë të forcës politike, ku u prezantuan koordinatorët e rinj të Zonave të Administrimit Zgjedhor (ZAZ).
Në ZAZ 3, detyrën e koordinatorëve do ta marrin Sara Elezi dhe Artur Kçira, ndërsa në ZAZ 4 janë emëruar Besara Gjurgja dhe Elton Doniku.
Beci uroi suksese në detyrën e re për ekipin e sapoemëruar, duke theksuar rëndësinë e bashkëpunimit dhe përkushtimit në procesin e konsolidimit të strukturave socialiste në qark.
“Ky proces sjell frymë pozitive, energji dhe përkushtim në rrugëtimin tonë të përbashkët”, u shpreh ai, duke falënderuar gjithashtu për kontributin e dhënë Andi Bilalin dhe Gentian Zejnunin në ZAZ 3, si edhe Suela Ulcinakun, Denis Malevin dhe Ramir Haderin në ZAZ 4.
