Një tjetër operacion mbarëkombëtar është zhvilluar në kuadër të luftës kundër lëndëve narkotike, peshën më të madhe të të cilit e mban Antidroga e Tiranës.
Sipas informacioneve deri më tani janë afro 100 persona të kapur në Tiranë, ndërsa në rang vendi janë mbi 150 persona në total.
Arrestimet e fundit janë në kuadër të operacionit kombëtar “Tempulli”, i cili vazhdon prej disa muajsh.
Antidroga prej kohësh ka nisur hetimet për goditjen e disa grupeve kriminale të cilët merren me shitje dhe trafik të drograve të forta dhe të lehta.
