Vllaznia përmbys Erzenin në takimin e dytë të çerekfinaleve dhe kalon në gjysmëfinalet e Kupës së Shqipërisë.Vllaznia përmbys Erzenin në takimin e dytë të çerekfinaleve dhe kalon në gjysmëfinalet e Kupës së Shqipërisë.
Shkodranët triumfuan me rezultatin e përgjithshëm (7-3), ndërsa ndeshja e parë ishte mbyllur me fitoren 2-1 të shijakasve, “kuqeblutë” ia dolën që brenda kohës së rregullt të sfidës së dytë të barazonin dhe vetëm pas shtesës mundën që të triumfon, me këtë përballje që përfundoi me rezultatin 6-1.
Ishte Mala ai që zhbllokoi ndeshjen në “Loro Boriçi”, me golin e shënuar në minutën e 13’, duke barazuar rezultatin e përgjithshëm.
Në minutën e 40’ Erzeni mbeti me dhjetë lojtarë, pasi Atanda u ndëshkua me karton të kuq dhe la ekipin e tij në inferioritet numerik, gjë që u shfrytëzua nga vendasit, me Balajn që realizoi golin e dytë të kësaj përballjeje për skuadrën e Osmanit.
Megjithatë një autogol i Stojanovic në minutën e 63’ barazoi sërish rezultatin e përgjithshëm, duke bërë që sfida të shkonte në kohën shtesë.
Ishin pikërisht minutat e shtesës që vulosën gjithçka, me Gomes që realizoi tregolësh në minutat 98’, 112’ dhe 120+1’, teksa Balaj nga ana tjetër gjeti golin e dytë personal në minutën e 106’.
Në fund ky takim u mbyll me rezultatin 6-1, duke i dhënë Vllaznisë mundësinë e kalimit në fazën gjysmëfinale të Kupës së Shqipërisë, teksa për Erzenin mbyllet këtu ky rrugëtim.supersport
