Papa Leone XIV bëri sot thirrje për ndaljen e menjëhershme të luftës në Lindjen e Mesme, duke kërkuar që “të heshtin armët” dhe të hapet rruga për dialog.
Gjatë lutjes në Sheshin Shën Pjetër në Vatikan, ai tha se lajmet që vijnë nga Irani dhe rajoni po shtojnë frikën për një përshkallëzim të mëtejshëm të konfliktit.
Papa paralajmëroi se ekziston rreziku që lufta të zgjerohet dhe të përfshijë vende të tjera të rajonit, mes tyre edhe Libanin, i cili sipas tij mund të rrëshqasë sërish drejt paqëndrueshmërisë.
Ai u bëri thirrje palëve që të ndalet dhuna dhe bombardimet, të hapen hapësira për dialog dhe të dëgjohet zëri i popujve që kërkojnë paqe.
