Më 17 nëntor 2019, minatorët e Bulqizës, shpallën krijimin e sindikatës së tyre, sepse Konfederata e Sindikatave nuk u mbron interesat, ngaqë Presidenti Kol Nikollaj, është shitur te (ish) koncesionarët, prej të cilëve ka marrë miliona lekë për të mos i mbrojtur e për të shuar protestat. E vërteta sipas denoncimeve të bëra shpesh në polici e prokurori nga sindikalistët, është kjo: prej 25 vitesh, Kola Nikollaj i sindikatave, bënë presione ndaj punëdhënësve dhe pazare me ata që pranojnë, për të marë miliona lekë që i fut në xhepin e tij. Pazar financiar kundër interesave të punëtorëve, zuzari Kol Nikollaj ka bërë me drejtuesit e “Bankers”, fakt që e dëshmoi protesta e naftëtarëve në muajin tetor 2025, por dhe me drejtorët e “Albpetrol” e pronarë të 20 firmave të naftës e gazit në Fier, Patos, Ballsh, Vlorë e Delvinë.
Batakçiu i pafe Kol Nikollaj që përdor Zotin kundër koncesionarit turk “Tete Albania”, ngaqë i refuzoi pazaret e pista
Të njëjtën skemë presioni e pazari për të zhvatur miliona, xhambazi Kol Nikollaj i veshur me “lëkurë sindikalisti”, tentoi ta bënte me drejtuesit e kompanisë koncesionare turke “Tete Albania” me aktivitet minerar në Spaç, por ata ia refuzuan dhe e përzunë duke “i thyer turinjtë”. Por pasi drejtuesit e kompanisë, refuzuan pazarin e Kol Nikollajt, ky filloi presionet duke sajuar një protestë, madje duke folur edhe në emër të Zotit, me qëllim për të penguar dhe dëmtuar aktivitetin ekonomik të kompanisë. Drejtori i kompanisë turke “Tete Albania”, Cem Koray Vagci, deklaroi publikisht por dhe para institucioneve shqiptare, se nuk është kundër protestës së minatorëve, por sipas ligjit, për dialog duhet një përfaqësim sindikal partnerial, të cilin Konfederata e Kol Nikollës dhe vetë ai nuk e ka. Kompania nuk është kundër sindikatave, në kerkojmë të jemi në rregull me ligjin, me procedurat dhe me perfaqësimin. Ndërsa minatorët dhe punonjësit e kësaj kompanie, tashmë e kanë mësuar të vërtetën, që u përdorën nga Kol Nikollaj për qëllimet tij të pista, pasi drejtuesit turq i refuzuan pazaret kundër interesave të punëtorëve.
Dyfytyrësia e Kolës dhe sindi(kakës) së tij përballë milionave
Kol Nikollaj i sindikatës, të cilën vetë punëtorët e quajnë “Sindikakë”, merr çeqet dhe nuk thotë asnjë fjalë për 110 firma kromi në Bulqizë, Burrel, Tropojë, Has e Kukës, të cilat ushtrojnë aktivitet jashtë çdo kushti teknik sigurie në punë dhe i shfrytëzojnë minatorët si skllevër. Sepse Kol Nikollaj, shpërblehet nga pronarët, fakt i denoncuar nga minatorët, të cilët thonë se, çdo muaj, ai merr pagë ilegale nga secili, prandaj hesht edhe kur plagosen e vriten minatorë. Tre vilat luksoze në Himarë, Lalëz e Kavajë, suita 220 m2 në Tiranë, jeta luksoze, qejfet dhe udhëtimet e shumta, që Kol Nikollaj bënë brenda jashtë Shqipërisë i shoqëruar nga “sindikalistja” e tij, kanë burim milionat që zhvat nga pronat e sindikatës dhe nga bizneset, për t’u garantuar mos fillim e shuarje protestash. Ndërsa në shërbimet publike si arsimi, shëndetësia, Posta Shqiptare, KESH, OSHEE, Abpetrol e ujësjellësat, Kol Nikollaj, i manipulon, braktis dhe i shuan protestat, në këmbim të punësimeve me para, sekserizimit dhe përfitimit të lejeve të ndërtimit e licencave, siç është rasti i përfitimit të koncesionit për dy HEC-et e tij në Mirditë./ Shkrim nga Pamfleti
