Nëse viti 2023 ishte surprizues për turizmin shqiptar që njohu mbi 10 milion turistë, duket se 2024-ta do të jetë edhe më e magjishme. Rrjetet prestigjoze ndërkombëtare vijojnë të promovojnë vendin tonë dhe ta rëndisin si një prej destinacioneve kryesore të turizmit gjithëvjetor. I radhës është NEË YORK TIMES, që rëndit Alpet Shqiptare si një prej destinacioneve kryesore për t’u vizituar gjatë këtij viti. Alpet e veriut, me Thethin e Valbonën, janë zgjedhja perfekte për të apasionuarit pas natyrës që duan të përjetojnë eksperienca unike të mikpritjes thuhet në përshkrimin e prestigjozes amerikane. Vargmali i largët malor në Shqipërinë veriore, i njohur si Bjeshkët e Nemuna, ose Alpet Shqiptare (edhe pse arrin edhe në Mal të Zi dhe Kosovë), ka mahnitur prej vitesh alpinistët që kërkojnë qetësi midis majave të tij. Mund të mos jetë paqësore për një kohë të gjatë: Linjat ajrore buxhetore si Ryanair dhe Ëizz njoftuan rrugë të reja për në Shqipëri, duke i bërë liqenet e saj të qelqtë dhe milje me shtigje relativisht të paprekura më të aksesueshme për eksploruesit që kërkojnë një parajsë të përballueshme. Dikur të arritshme vetëm me makinë me katër rrota, fshatrat veriore si Thethi tani janë të arritshme nga një rrugë malore e ngushtë por e asfaltuar, megjithëse shoferët mund të kenë ende nevojë të presin për një ose dy lopë që kalojne. Vizitorët mund të qëndrojnë me vendasit në bujtina ose në ferma për të parë një pamje të jetës rurale përpara se të ecin në Qafën e Valbonës brenda një parku kombëtar që përfshin rreth 200,000 hektarë për të parë luginat e shpërndara me lule të egra dhe për të parë barinjtë që kujdesen për kopetë e tyre, thotë në përshkrimin e saj autorja Isabella Këai.
Kryeministri Edi Rama e ndau këtë lajm me ndjekësit e tij në rrjetet sociale ku shkruan: Alpet Shqiptare renditen si një prej destinacioneve kryesore që sugjeron NEË YORK TIMES për t’u vizituar gjatë këtij viti. Për vitin 2023 ishte Vjosa sugjerim i #NYT, ndërsa tani propozohet një tjetër Park Kombëtar – Alpet e veriut, me Thethin e Valbonën, si zgjedhja perfekte për të apasionuarit pas natyrës që duan të përjetojnë eksperienca unike të mikpritjes.
B. Kolvataj
