Një natë përpara protestës së thirrur nga Partia Demokratike, Kryeministria ka nisur marrjen e masave për ruajtjen e godinës. Dera kryesore e Kryeministrisë është izoluar me pllaka metalike, me qëllimin për të shmangur dëmet në rast të ndonjë situate të paparashikuar gjatë tubimit.
Protesta do të nisë ditën e neërme në orën 16:00, ku qytetarët pritet të mblidhen në Bulevardin “Dëshmorët e Kombit” dhe pas të zhvendosen para godinës së Kryeministrisë. Më herët Policia e Shtetit njoftoi dhe masat e marra, si dhe rrugët që do të bllokohen nesër në kryeqytet.
