Këtë të premte duke nisur nga ora 18:00 me kohën shqiptare, në Washington, u mbajt me madhështi ceremonia e shortit për grupet e Kupës së Botës 2026. Për herë të parë Botërori do ketë 48 kombëtare të ndara në 12 grupe me nga 4 skuadra, ndërsa po për herë të parë do mbahet në tre shtete dhe në 16 qytete.
Nëse kalon Poloninë në gjysmëfinalen play-off dhe fituesen e çiftit Ukrainë – Suedi, kombëtarja shqiptare e futbollit do vendoset në Grupin F të finaleve të Kupës së Botës 2026. Rivalë për tanët do jenë (gjithmonë nëse kalon) emra si Holanda, Japonia dhe Tunizia.
Nga ana tjetër, Kosova, nëse kalon Sllovakinë në gjysmëfinalen play-off dhe fituesin e çiftit Turqi – Rumani, do vendoset në Grupin D të Kupës së Botës, me rivalë si SHBA, Paraguai dhe Australia.
Italia, nëse kalon nga faza play-off do vendosej në Grupin B së bashku me Kanadanë, Katarin dhe Zvicrën. Grupi I me Francën, Senegalin dhe Norvegjinë duket i fortë, ndërsa edhe Grupi L me Anglinë, Kroacinë, Ganën dhe Panamanë premton spektakël.
Nga rezultatet e fazës së grupeve do kalojnë në fazën me eliminim dy skuadrat më të mira të çdo grupi (24), si dhe tetë ekipet e treta me më shumë pikë (8). Këto 32 ekipe do vijojnë garën në fazën me eliminim direkt.
Për herë të parë në këtë turne, katër kombëtaret e renditura si më të mirat në renditjen e FIFA-s (Argjentinë – Spanjë dhe Francë – Angli), nuk do përballen mes tyre deri në finale nëse ia dalin të kualifikohen si të parat e grupeve respektive.
Në ceremoninë e zhvilluar nga FIFA pati spektakël me këngë dhe performanca, ku nuk munguan figurat më në zë të skenës botërore. Presidenti i SHBA-së, Donald Trump, u vlerësua me ‘Çmimin e Paqes’ për kontributin e zbutjes së konflikteve në botë.
Grupet e Kupës së Botës 2026:
Grupi A: Meksikë, Afrika e Jugut, Korea e Jugut, Play-off D
Grupi B: Kanada, Play-off A (Itali), Katar, Zvicër
Grupi C: Brazil, Marok, Haiti, Skoci
Grupi D: SHBA, Paraguai, Australi, Play-off C (Kosova)
Grupi E: Gjermani, Curaçao, Bregu i Fildishtë, Ekuador
Grupi F: Holandë, Japoni, Play-off B (Shqipëria) Tunizi,
Grupi G: Belgjikë, Egjipt, Iran, Zelanda e Re
Grupi H: Spanjë, Kepi i Gjelbër, Arabia Saudite, Uruguai
Grupi I: Francë, Senegal, FIFA play-off 2 (Irak vs Bolivi – Suriname), Norvegji
Grupi J: Argjentinë, Algjeri, Austri, Jordani
Grupi K: Portugali, FIFA play-off 1, Uzbekistan, Kolumbi
Grupi L: Angli, Kroaci, Gana, Panama
Ndeshjet play-off:
Faza play-off ndërkombëtare
Kaledonia e Re – Xhamajka vs Republika Demokratike e Kongos
Bolivia – Suriname vs Irak
Faza play-off, zona UEFA – Ndeshjet gjysmëfinale
Italia – Irlandë e Veriut
Ukrainë – Suedi
Turqi – Rumani
Danimarkë – Maqedoni e Veriut
Uells – Bosnjë Hercegovinë
Poloni – Shqipëri
Sllovaki – Kosovë
Çekia – Irlandë
Përballjet finale të fituesve
Uells – Bosnjë Hercegovinë vs Italia – Irlandë e Veriut
Ukrainë – Suedi vs Poloni – Shqipëri
Sllovaki – Kosovë vs Turqi – Rumani
Çeki – Irlandë vs Danimarkë – Maqedoni e Veriut
