Me dy dite të mbushura me letërsi, kulturë dhe frymëzim u mbyll në Shëngjin panairi ‘Valë dhe Fjalë’, ndërsa Juria e kryesuar nga Liridon Mulaj, me anëtarë Alda Bardhyli dhe Monika Stafa, shpalli fituesit. Çmimin për poezinë më të mirë e mori shkrimtari Preç Zogaj, ndërsa Rudolf Marku u vlerësua me çmimin e karrierës ‘Ndoc Gjetja’. Vepra më e mirë studimore iu dha prof. dr. Sherif Bundo, proza më e mirë Odise Kotes dhe çmimi special Pashko Camajt.
Në ditën e dytë të panairit u diskutuan një sërë temash të rëndësishme, ku ne fokus ishte letërsia dhe marrëdhënia e njerëzve me librin.
Ky aktivitet letrar ku morën pjesë 20 shtëpi botuese dhe shumë shkrimtarë nga Shqipëria dhe Kosova, e ktheu librin në kryefjalë të verës kulturore në Shëngjin dhe synohet të kthehet në traditë të përvitshme.
