Një aksident ka ndodhur sot në Tiranë ku një automjet është përplasur me një motor policie. Për pasojë është plagosur dy inspektorë të policisë.
“Më datë 26.06.2023, në kryqëzimin e rrugës “Medar Shtylla” dhe “Prokop Mima”, janë përplasur automjeti me drejtues shtetasin P. U., me motomjetin e Policisë me drejtues shtetasin A. Ll.
Nga përplasja janë dëmtuar dy punonjësit e Policisë, drejtuesi i motomjetit inspektor A. Ll., dhe pasagjeri që ndodhej me të, inspektor E. P., të cilët ndodhen jashtë rrezikut për jetën,” njoftoi policia.
Grupi hetimor po punon për sqarimin e rrethanave të aksidentit.
