Shkodra humbi një intelektual dhe qytetar model si Prof.Menduh Dërguti, një figurë e shquar e arsimit, e jetës akademike dhe publike shqiptare. Së bashku me kolegët e Partisë Demokratike ju bashkuam homazheve në nderim të tij, duke i shprehur ngushëllimet e sinqerta familjes, miqve dhe kolegëve të profesorit të ndjerë. Ai ishte një udhëheqës i qetë por i vendosur, rektori i parë i Universitetit në një periudhë sfiduese për vendin, kur nevojitej vizion, maturi dhe përkushtim i vërtetë për të ndërtuar një të ardhme më të mirë. Si pedagog, studiues dhe deputet në vitet e para të demokracisë, ai ka lënë gjurmë të thella në jetën akademike dhe politike të Shqipërisë. Shembulli i tij i thjeshtësisë, urtësisë dhe fisnikërisë do të mbetet udhërrëfyes për shumë breza. Nder dhe mirënjohje përjetë për Profesor Menduh Dërgutin. Pushoftë në paqe!
