Kulla dykatëshe ku ka lindur Abat Preng Doçit, me histori 200 vjeçare në Rubik të Mirditës, po shembet plotësisht, muri në anën lindore ka rënë e ndërsa i gjithë objekti, ka pësuar dëmtime të shumta, duke rrezikuar seriozisht ekzistencën e saj. Për gjendjen e saj ka reaguar edhe ish zv/ministri i Kultures Zef Çuni.
statusi i Zef Çunit:
KULLA E ABAT DOÇIT NJE MONUMENT KULTURE KAT. PARE QE DUHET MBROJTUR ME CDO KUSHT
Ne vitin 2014 me propzim te Drtk Shkoder qe drejtohej nga z.Besi Bekteshi , u vendos ne mbrojtje Kulla e Abat Doçit ne Rubik. Por sot pas 10 vitesh ajo po rrenohet pa u bere asnje mirembajtje. Drtk Shkoder as nuk do tja dije per keto monumente qe i ka ne juridiksionin e vet. Dje une shkova dhe e pashe ne vend gjendjen qe me dimrin qe vjen ky objekt rrezikon te shembet fare. Po nje gjendje te tille jane mjaft kulla ne Mirdite , Mat, Lezhe, Puke, Kukes eTropoje.
Abat Preng Doçi është një ndër personalitetet më të rëndësishme të Rilindjes dhe i fillimit të shek. XX, i cili ka luajtur një rol madhor në disa nga momentet më vendimtare të zhvillimeve politike e kulturore, e posaçërisht të gjuhës e letërsisë shqipe. Bashkëpunëtor i De Radës dhe Kamardës, ai njihet si mendimtar, poet, publicist, veprimtar politik e kulturor, themelues i shoqërisë kulturore “Bashkimi”.
