Kryetari i Bashkisë Vau-Dejës, Kristian Shkreli, ka vlerësuar mësuesin Ndoc Shaben, një nga figurat e respektuara të arsimit dhe kulturës në zonë, i cili me pasion të rrallë ka ndërtuar vetë një muze, duke mbledhur dhe ruajtur pasurinë historike e kulturore të Veriut shqiptar. Ky vleresim erdhi ne nje moment te vecante per te, pasi Shaben po kalon nje periudhe te veshtire shendetesore.
Statusi i plote i kryebashkiakut Shkreli:
Sot, së bashku me stafin e Bashkisë, vizituam profesor Ndoc Shaben, një figurë e respektuar e arsimit dhe kulturës në zonën tonë. Gjatë gjithë jetës së tij, ai ka dhënë një kontribut të çmuar në edukimin e brezave dhe në ruajtjen e vlerave historike e kulturore të krahinës. Me pasion dhe përkushtim të rrallë, profesori ka ndërtuar një muze unik, të cilin e ka kthyer në pjesë të jetës së tij të përditshme, si dëshmi e dashurisë për historinë, traditën dhe identitetin tonë. Në shenjë mirënjohjeje, i dorëzuam certifikatë vlerësimi, duke e përgëzuar për këtë trashëgimi të vyer që ai po ua lë brezave të ardhshëm.Mirënjohës!
