Në Shkodër u mbajt kuvendi themelues i shoqatës “Mali i Zi”, shoqata më e re e minoritetit malazez në Republikën e Shqipërisë. Kryetar i shoqatës është zgjedhur Alban Sekja (Seknić), i cili rrjedh nga një familje e njohur e minoritetit malazez në Shkodër. Në kuvend mori pjesë edhe zëvendësdrejtori i Drejtorisë për Bashkëpunim me Diasporën dhe Emigracionin (USDI) Arben Jakupi, i Ngarkuar me Punë në Ambasadën e Malit të Zi në Tiranë, Gjorgje Jankoviq, përfaqësues i pakicës malazeze në Komitetin për Pakicat Kombëtare Marinko Ćulafić, Konsulli i Nderit në Shkodër Sokol Hoxha, këshilltari i përhershëm i USDI-së Zoran Gjukanoviq dhe intelektualë e anëtarë të minoritetit malazez në Shkodër. Kryetari i zgjedhur Alban Sekja thotë se organizata “Montenegro” u krijua për të ruajtur dhe promovuar vlerat artistike, kulturore e historike mes Malit të Zi dhe Shqipërisë. Jakupi në emër të USDI-së premtoi mbështetje të plotë për shoqatën “Mali i Zi” dhe minoritetin malazez në Shkodër përmes projekteve për realizimin e programit të kësaj shoqate. Ćulafiq vlerësoi se krijimi i kësaj shoqate është një ngjarje e rëndësishme për riorganizimin e malazezëve të Shkodrës dhe garantoi mbështetjen e Komitetit për Pakicat Kombëtare. Me këtë rast u diskutua edhe për regjistrimin e ri të popullsisë “Census” dhe hapat që do të ndërmerren për sensibilizimin dhe informimin rreth këtij procesi shumë të rëndësishëm për minoritetin malazez në Shqipëri.
