Besimtarët katolik festojnë festën e shenjtë të Shën Kollit. Në kishën që mban emrin e këtij shenjti në Shkodër u kremtua mesha e shenjtë nga arqipeshkëvi i Shkodrës Angelo Massafra. Gjatë fjalës së tij Massafra teksa uroi festën tha se gjithnjë e më shumë po largohemi nga besimi në Zot.
Massafra i bëri thirrje prindërve që të edukojnë siç duhet fëmijët në mënyrë që të mos armatosen as në duar as në shpirt.
Shën Nikolli është një ndër shenjtorët e dëshmitarët e Krishtit më të nderuar nga besimtarët e krishterë si dhe ata shqiptarë, të të gjitha krahinave. Shën Nikolla u dallua për fenë e gjallë në mësuesin Hyjnor, Jezu Krishtin dhe posaçërisht për kujdesin dhe ndihmën për të varfërit.
