Komisioni Qendror i Zgjedhjeve, (KQZ) mandatoi Benet Becin, mbështetur nga Partia Socialiste, si kryetar të bashkisë së Shkodrës.
Komisioneri Shtetëror i Zgjedhjeve, Ilirjan Celibashi bëri të ditur se, në kutitë e votimeve u gjetën gjithsej 58 746 fletë votimi, nga të cilat 1 311 ishin të pavlefshme.
Celibashi po ashtu theksoi se, kandidati i mbështetur nga PS, Benet Beci mori 34 531 vota, ndërsa kandidati i mbështetur nga koalicioni “Bashkë Fitojmë“ mori 22 804 vota.
Sa i takon këshillit bashkiak, Celibashi tha se, në kuti u gjetën gjithsej 58 735 vota, nga të cilat 56 480 ishin vota të vlefshme.
PS mori 17 963 vota, ndërsa koalicioni “Bashkë fitojmë“ 13 177 vota.
