Kosova mposht 99-84 Shqipërinë në ‘Qazim Dervishi’ Shkoder
Kombëtarja e Kosovës në basketboll për meshkuj fitoi mbrëmjen e sotme 99-84 ndaj Shqipërisë në ndeshjen e vlefshme për fazën para-eliminatore të Botërorit 2029. Takimi i luajtur në Shkodër u dominua nga minuta e parë deri tek e fundit nga kosovarët, që e merituan suksesin e parë në Grupin C.
Tifozët e shumtë në pallatin e sportit i mbështetën të dyja skuadrat në fushë. Ndonëse pritej një reagim nga kombëtarja kuqezi pas humbjes së tri ditëve më parë ndaj Sllovakisë, në fushë dominuan “miqtë” nga Kosova, superior në fushë. Ata vulosën fitoren praktikisht që pas përfundimit të pjesës së parë, ku udhëhiqnin 44-28.
Në pjesën e dytë, Kosova administron pa shumë mund avantazhin e krijuar, ndërkohë që Shqipëria nuk ka forcën e duhur për të rivalizuar. Kosovarët ruajnë një epërsi prej 15-20 pikësh deri në fundin e takimit, duke e fituar atë me shifrat 99-84. Ky është suksesi i tyre i parë në grup, ndërsa për Shqipërinë humbja e dytë në dy takime të luajtura.
Shënuesi më i mirë për Shqipërinë e drejtuar nga trajneri Erkand Karaj ishte Julian Hamati me 19 pikë e 12 rebound, por që s’mjaftuan për të fituar. Kosova u udhëhoq nga një talent si Dardan Berisha, që realizoi 35 pikë, mbështetur edhe nga Erjon Kastrati me 21 pikë, një dyshe që bëri diferencën në parket.
Me dy humbje në po kaq takime të luajtura, fati i Shqipërisë në këtë fazë para-eliminatore duket i vulosur: pranë eliminimit. Kuqezinjtë janë të fundit në grup, ndërkohë që kombëtarja jonë do të luajë një ndeshje në mars (në Shqipëri ndaj Sllovakisë) dhe një në korrik (në Prishtinë ndaj Kosovës)./ Shkodrasport
Ndeshjet e Shqipërisë
Sllovaki – Shqipëri, 73-63
Shqipëri – Kosovë, 84-99
Shqipëri – Sllovaki, 2 mars
Kosovë – Shqipëri, 2 korrik
