Koalicioni Euroatlantik në Shkodër nderoi katër viktimat e 2 prillit që u flijuan 34 vite më parë përballë sistemit komunist. Kandidatët për deputet të Koalicionit Euroatlamtik vendosën kurora me lule në memorialin e 2 prillit aty ku humbën jetën martirët e demokracisë Arben Broci, Besnik Ceka, Nazmi Kryeziu dhe Bujar Bishanaku. Kandidati për deputet Xhevdet Amuli tha se në 2 prillin e 1991 të rinjtë dhe qytetarët e Shkodrës pa frikë u çuan për të mposhtur bishën e egër komuniste.
Edhe sot pas 34 vitesh thirrja e shqiptarëve tha Amuli thirrja është e njëjtë, “E Duam Shqipërinë si gjithë Europa”….
Figura e katër martirëve të demokracisë u shprehën përfaqësues të Koalicionit Euroatlantik është një shembull për të rikthyer demokracinë në Shqipëri edhe në ditët e sotme.
