Kisha katolike ka dalë kundër projektligjit të ri të qeverisë shqiptare mbi shëndetin riprodhues i cili pritet të ligjërojë nënat surrogato në Shqipëri. Gjatë meshës së shenjtë të festës së Zojës së Këshillit të Mirë në kishën e Zojës në Shkodër ipeshkëvi i Rrëshenit, njëherësh president i konferencës ipeshkvnore imzot Gjergj Meta tha se po synojnë të tronditet roli i nënës dhe të krishterët nuk e pranojnë projektligjin për nënat surrogate.
Ndërkohë gjatë meshës së shenjtë arqipeshkëvi i Shkodrës Angelo Massafra i cili pas dorëheqjes, kremtoi meshën e tij të fundit në praninë e gjithë ipeshkëvinjve të Shqipërisë në festën e Zojës së Këshillit të Mirë tha se kisha shqiptare duhet që të ripërtërihet sepse po përballet me probleme.
I pranishëm në këtë meshë ishte edhe Nunci Apostolik në Shqipëri Luigi Bonazzi i cili dha mesazhe për familjen e cila ka sfida të mëdha.
Kisha e Zojës së Shkodrës tashmë zyrtarisht ka marrë statusin Bazilikë pasi Papa Françesku pranoi kërkesën e arqipeshkëvit të Shkodrës duke dhënë miratuar dekret të rëndësishëm.
