Futet në fuqi rregullorja evropiane për përdorimin e një karikuesi universal USB Type-C për pajisjet elektronike.
Rregullorja përfshin edhe pajisje më të vogla si maus, tastiera, kufje dhe lexues librash elektronikë, përveç telefonave, tabletëve, kamerave digjitale, altoparlantëve dhe navigatorëve rrugorë. Nga 28 prilli 2026, ky rregull do të vlejë edhe për laptopët.
Ky rregull do të zbatohet për pajisjet e reja në treg dhe sjell avantazhe të shumta si:
Thjeshtimi për konsumatorët – Eliminon nevojën për të mbajtur disa karikues të ndryshëm, duke e bërë përdorimin e pajisjeve më të lehtë dhe më praktik.
Reduktimi i ndikimit mjedisor – Kufizon prodhimin e mbetjeve elektronike, duke ulur ndotjen.
Kursimi financiar – Ul shpenzimet e konsumatorëve, të cilët aktualisht harxhojnë rreth 250 milionë euro në vit për karikues të tepërt.
Ulja e mbetjeve elektronike – Synon të zvogëlojë 11,000 tonë mbeturina elektronike që krijohen çdo vit në BE.
Ligji i miratuar në dhjetor 2022 do të hyjë në fuqi më 28 dhjetor 2024, duke detyruar kompanitë të ofrojnë informacion të qartë për tarifimin, karakteristikat dhe paketimin e pajisjeve. Markat mund të përdorin standardet e tyre për karikim të shpejtë, por duhet të jenë të pajtueshme me protokollin e përbashkët “shpërndarja e energjisë USB”.
