Policia e Kosovës ka arrestuar mbrëmjen e së premtes tre të dyshuar për vrasjen e Liridona Ademajt, përfshirë edhe bashkëshortin e saj, Naim Murselin, i cili dyshohet se e ka porositur vrasjen e saj. Vëllai i viktimës, Liridon Ademaj ka thënë se do të zhvarrosin trupin e familjares së tyre, e cila dje u varros në varrezat e familjes Murseli.
“Nuk ka pasur probleme asnjëherë. Motra jonë ishte e ndershme. Po është e vërtetë, do zhvarrosim trupin e saj nga atje me dashje ose pa dashje”, ka deklaruar Ademaj. Ai tha se i kanë dhënë dy ditë ditë besë familjes Murseli. “I kemi dhënë dy ditë kohë, edhe shumë e kanë”, ka deklaruar ai.
