Kryebashkiaku Vau Dejës, Kristian Shkreli është paraqitur këtë të premte në SPAK.
Top channel raporton se Shkrelit iu komunikuan akuza e korrupsionit në zgjedhje.
Siç raporton Anila Hoxha, Shkreli shfaqet në komunikime telefonike të përgjuara nga SPAK se kërkonte vota në shkëmbim të dy investimeve. Njëra ishte rikonstruksion i rrugës në fshatin Stajkë dhe po ashtu rregullimi i linjës së energjisë elektrike
I kontaktuar, Shkreli tha në telefon: “Unë kam bërë detyrën time, s’kam bërë korrupsion. Njerëzit ankoheshin qe nuk kishin energji dhe unë punova që tu ofrohej ky shërbim siç ma kërkon ligji. Nuk e di ku është korrupsioni në zgjedhje këtu”. / TCH
