Policia e Tiranës ka dhënë detaje nga tentativa e grabitjes më armë të një banke të nivelit të dytë në kryeqytet. Sipas policisë ngjarja ndodhi paraditen e sotme në Rrugën e Kavajës, ku 58-vjeçari Bardhyl Fusha, hyri në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar.
Policia ndërhyri menjëherë pas marrjes së njoftimit dhe kanë bërë të mundur kapjen e autorit të dyshuar, në tentativë për t’u larguar nga vendi i ngjarjes. Autori i dyshuar është shoqëruar në Komisariat. Gjithashtu, është sekuestruar arma e zjarrit. “Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar. Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar, në tentativë për t’u larguar nga vendi i ngjarjes. Autori i dyshuar është shoqëruar në Komisariat. Gjithashtu, është sekuestruar arma e zjarrit. Në përfundim të veprimeve hetimore do të jepet informacion më i plotë për rastin”, njofton Policia.
Autori është futur në bankë me një çantë, brenda së cilës kishte një kallashnikov. Sapo ka hyrë në ambientet e bankës së nivelit të dytë, Fusha ka nxjerrë armën dhe ka qëlluar një herë në tokë. Më pas, ai ka arritur të marrë një shumë parash nga arka. Një qytetar, i cili ndodhej brenda bankës, ka lajmëruar menjëherë policinë. Patrulla ka qenë pranë vendit të ngjarjes dhe, sapo ka mbërritur, ka kapur autorin duke dalë. Në vendngjarje është gjetur një gëzhojë.
