Një banesë në qytetin e Shkodrës, pranë Urës Dervishbeg, është grabitur nga persona ende të paidentifikuar. Sipas burimeve, autorët kanë marrë një shumë prej mbi 100 mijë eurosh nga shtëpia e një mjeku dhe më pas janë larguar nga vendngjarja.
Familjarët kanë konstatuar mungesën e parave dhe kanë njoftuar menjëherë policinë. Uniformat blu kanë nisur hetimet për të zbuluar autorët dhe rrethanat e ngjarjes.
Deri më tani nuk ka informacion mbi personat e dyshuar, ndërsa policia po analizon pamjet e kamerave të sigurisë dhe po merr në pyetje dëshmitarët për të hedhur dritë mbi grabitjen.
