Një ngjarje e rëndë është shënuar në Tiranë në zonën e Xhamllikut. Një gardist pas një sherri me një qytetar ka nxjerrë armën e shërbimit duke e kërcënuar me jetë. Fatmirësisht gardisti nuk ka shtënë me armë dhe ngjarja është parandaluar nga efektivët e komisariatit.
Dorian Kraja, me detyrë gardist është proceduar në gjendje të lirë nga policia e Tiranës, pasi ditën e djeshme ka kërcënuar me armën e shërbimit një qytetar. Ngjarja ka ndodhur pasditen e djeshme në zonën e Xhamllikut në kryeqytet. Newspower.al mëson se konflikti mes gardistit dhe qytetarit ka nisur për motive të dobëta, se kush do të kalonte i pari në rrugë me makinë. Kaq ka mjaftuar që gardisti të nxjerrë armën dhe të kërcënojë qytetarin.
Kamerat e sigurisë në zonë kanë filmuar sherrin dhe po kqyren nga grupi hetimor. Ndërkohë ngjarja është referuar në AMP dhe kanë nisur menjëherë hetimet.
