Një kabinë elektrike është përfshirë nga flakët mëngjesin e kësaj të shtune në rrugën “28 Nëntori”, në qendër të Shkodrës.
Zjarrfikësit kanë mbërritur menjëherë në vendngjarje, por ndërhyrja e tyre është vështirësuar për shkak të rrugës së bllokuar nga makinat e parkuara në të gjithë gjatësinë e saj. Pavarësisht pengesave, ata kanë arritur të neutralizojnë flakët duke përdorur metoda alternative.
Shkaqet e zjarrit mbeten ende të paqarta, ndërsa institucionet përgjegjëse po vijojnë hetimet për zbardhjen e ngjarjes. Ky nuk është rasti i parë i një kabine elektrike që digjet në Shkodër gjatë muajve të fundit. Për shkak të mbingarkesës, edhe në fundin e vitit 2024 janë regjistruar disa incidente të ngjashme në zona të ndryshme të qytetit.
