Nis largimi i emigrantëve drejt tokës helene. Në pikën e kalimit kufitar të Kapshticës këtë 2 janar vihet re një fluks i shtuar i automjeteve të cilat i drejtohen Greqisë pasi kanë kaluar festat e fundvitit në Shqipëri.
Sipas të dhënave nga PKK Kapshticë autoritetet shqiptare punojnë me kapacitete të plota 4 në dalje dhe 3 të tilla në hyrje.
Deri më tani nuk raportohet për probleme përveç faktit që fluksi shkakton radhë dhe pritje.
Ende nuk mund të flasim për fluks të lartë i cili mund të shkaktojë edhe vonesa, megjithatë në pritet të jetë në ditët vijuese që numri i automjeteve të rritet ndjeshëm.
Ndërkohë që ka edhe emigrantë që për të shmangur pritjet përdorin PKK Qafë Thanë për të mbërritur në Selanik.
Sipas të dhënave, më 1 janar në Kapshticë kanë hyrë 1343 shtetas dhe kanë dalë 2617.
Ndërsa në Qafe Thanë, kanë hyrë 1492 dhe kanë dalë 1904 shtetas.
