Një thirrje për paqe e shpëtim që fton njerëzit të lenë pas mëritë e të lehtësojnë zemrën nga pesha e së keqes. Pas lindjes së diellit, besimtarët myslimanë kurorëzuan një muaj agjërimi dhe adhurimesh me namazin e Fiter Bajramit. Në Shkodër falja u krye në sheshin kryesor të qytetit, ku qindra besimtarë ju bashkuan këtij momenti të rëndësishëm të festës.
Gjatë fjalës së tij, myftiu Sytari u ndal edhe tek fenomenet negative që kanë përfshirë shoqërinë tonë, të cilat vijnë edhe për shkak të devijimit dhe largimit nga besimi.
Për besimtarët kjo ditë shënon shpërndarjen e lëmoshës, solidarizimin me të varfrit në mënyrë që të gjithë të kenë mundësi ta gëzojnë së bashku këtë festë.
