Pinjollët e komunizmit nuk i kemi prezent vetëm në radhë e veteranëve të luftës antifashiste nacional çlirimtare, por edhe tek arsimi shqiptar, aty ku formohen brezat e rinj. Skandalet nuk kanë të ndalur tek “Rilindja” e cila vijon ti ketë të forta lidhjet me diktaturën komuniste, nostalgji që e mban të freskët edhe sot. Të kesh mes drejtuesve të shkollave edhe drejtorë që ende nuk e dijnë se pas 30 vitesh demokraci, sistemi nuk ka rënë, kjo ndodh vetëm në Shkodër, e madje me vetëdije të plotë. Newspower.al ka siguruar dy shkresa zyrtare me firmë dhe vulë të drejtores së shkollës së mesme pyjore “Kolë Margjini” Albana Lleshaj, ku kjo e fundit ende Republikën e Shqipërisë e njeh si Republikë Popullore të periudhës së Enver Hoxhës. E madje këto shkresa ja njeh ministria e linjës që ka në varësi këto shkollë profesionale. Një skandal i vërtetë që do të duhej të alarmonte institucionet shtetërore dhe një titullare e tillë do të duhej shkarkuar me urgjencë. Siç duket lidhjet e saj familjare me ish ministrin e Brendshëm Sander Lleshaj kanë qëlluar më të forta dhe e mbajnë ende në detyrë mësuesen e flaktë të “partisë” që nuk e di ose nuk do ta dijë se Shqipëria i ka mbyllur lidhjet me Republikën Popullore prej 3 dekadash.
