Një ngjarje e rëndë është regjistruar në Durrës, ku një 19-vjeçare ka vrarë babain e saj me armë zjarri. Pas vrasjes ajo është kujdesur të fshehë provat duke e varrosur në oborrin e banesën. Familjarët kanë denoncuar në polici zhdukjen e viktimës, të identifikuar si Pëllumb Meta dhe pas hetimeve policia ka mundur të gjejë trupin e pa jetë të viktimës dhe të bëjë të mundur zbardhjen e ngjarjes. Sipas uniformave blu shkak është bërë fejesa e 19-vjeçares, Hygerta Meta, pa dëshirën e saj.
“Gjithashtu, nga hetimet dyshohet se autore e vrasjes së 50-vjeçarit është vajza e tij, shtetasja H. M., 19 vjeçe, e cila është arrestuar për veprën penale “Vrasja për shkak të marrëdhënieve familjare”. Shtetasja H. M. ka deklaruar se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur”, njofton policia.
Fejesa pa dëshirën e saj dhe konfliktet e vazhdueshme në familje kanë shtyrë 19-vjeçaren, Hygerta Meta, të inskenojë vrasjen e të atit dhe të tentojë zhdukjen e provave. Policia njofton se e reja ka vrarë me armë zjarri të atin, Pëllumb Meta e më pas e ka varrosur në oborrin e banesës.
Vetëm 10 ditë pas denoncimit si i zhdukur nga familjarët, policia ka mundur të zbardhë ngjarjen, ku ka gjetur edhe trupin e pa jetë të viktimës.
Policia po punon për të zbardhur të tjera rrethana të ngjarjes së rëndë.
