Drejtori i Përgjithshëm i Policisë së Shtetit, Ilir Proda, firmos një tjetër lëvizje pas marrjes së detyrës.
Dhimitraq Ziu, deri tani drejtor i Policisë së Dibrës, do të jetë në krye të Drejtorisë së Standardeve Profesionale në Policinë e Shtetit, duke zëvendësuar në këtë detyrë Bledar Çelikun, i cili është emëruar në Akademinë e Sigurisë.
Dhimitraq Ziu drejtoi Policinë e Dibrës për 2 vite me radhë, ndërsa më herët ka mbajtur detyrat e zëvendësdrejtorit të Policisë së Durrësit dhe Tiranës për rendin dhe sigurinë publike.
Ndërkohë gara për 12 drejtorët e qarqeve pritet të firmoset nga Proda pas miratimit të rregullores në zbatim të ligjit të ri. Rregullorja për drejtuesit e 12 qarqeve propozohet nga ministri dhe miratohet nga qeveria.
