Policia Kufitare në PKK Hani i Hotit ndaloi shtetasin M. A., 36 vjeç, pasi ishte i shpallur në kërkim nga Prokuroria pranë Gjykatës së Shkallës Parë, të Juridiksionit të Përgjithshëm Tiranë, për veprën penale “Dhuna në familje”.
Specialistët e Sektorit të Qarkullimit Rrugor në DVP Shkodër arrestuan në flagrancë shtetasin M. G., 34 vjeç, banues në fshatin Stajk, pasi u kap duke drejtuar automjetin në gjendje të dehur.
Gjithashtu, Specialistët e Sektorit të Qarkullimit Rrugor referuan materialet në Prokurori, ku nisi procedimi penal në gjendje të lirë për një 17-vjeçar, pasi është kapur duke drejtuar automjetin pa leje drejtimi.
Specialistët për Hetimin e Krimeve të Komisariatit të Policisë Shkodër referuan materialet në Prokurori, ku filloi procedimi penal për shtetasin D. A., banues në Shkodër, pasi ka ushtruar dhunë ndaj bashkëshortes së tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
