Në orët e vona të pasdites së djeshme ka pasur rënie të një rebeshi bresheri të pazakontë në territorin e bashkisë Fushë-Arrëz, e konkretisht në Njesinë Administrative Fierz në fshatrat Aprrip Guri, Bugjon, Fierz dhe në Njesinë Administrative Iballe në fshatin Iballe. Ku si pasojë e kësaj stuhie kemi shkaterrimin e të gjitha kulturave bujqësore të ketyre bujqëve, si dhe në bletari. Dëme të konsiderueshme janë bërë në çatitë e banesave, dhe në shkatërrimin e të gjitha makinave që posedojnë këta banorë duke ju thyer gjamat dhe dëmtime tjera në konstruksionet e tyre. Bashkia Fushë-Arrëz bashkë me Zyren e Emergjencave Civile, Stafin e saj në bashkëpunim me Njësitë Administrative, kryetarët e fshatrave, po bëjnë të mundur evidentimin e dëmeve që janë krijuar nga kjo situatë e pazakontë natyrore në menyrë që t’ju vijmë në ndihmë për të përballuar këto dëme.
