Sekretari i Shtetit i SHBA Antony Blinken u takua me stafin e ambasadës dhe familjet e tyre gjatë vizitës së tij në Tiranë.
Ai falënderoi ekipin për përpjekjet e tyre për të forcuar lidhjet dypalëshe midis Shteteve të Bashkuara dhe Shqipërisë.
“Ai theksoi se tradita e “besës” është diçka nga e cila mund të mësojnë të gjithë.
Sekretari falënderoi, gjithashtu, stafin shqiptar për përkushtimin e tyre ndaj marrëdhënies duke i quajtur “zemra” e ambasadës sonë.
Të pranishëm ishin edhe i Ngarkuari me Punë David Wisner dhe ish-Ambasadorja e SHBA në Shqipëri Yuri Kim”, thuhet në njoftimin e Ambasadës Amerikane në Tiranë.
