Një punonjës ka humbur jetën tragjikisht këtë të martë në kryeqytet, pasi ra nga pallati ku po punonte.
58-vjeçari me iniciale A.Sh. u rrëzua nga një godinë në ndërtim e sipër në zonën e Liqenit të Thatë. Ngjarja ndodhi rreth orës 13:20. Punëtori u dërgua në spital, por nuk mundi t’i mbijetojë plagëve të marra.
Nuk dihet nëse në kantier respektoheshin rregullat e punës, ndërsa që pritet një hetim për aksidentin.
