Bashkia Vau Dejës ka ndezur dritat e festave. Kryebashkiaku Kristjan Shkreli u shpreh se tashmë edhe Vau Dejësi i bashkohet atmosferës festive në të gjithë vendin duke zbukuruar kështu rrugët kryesore të qytetit dhe njësive administrative. Kreu i bashkisë Vau Dejës uroi gjithashtu gjithë qytetarët që këto festa të jenë sa më të gëzueshme për secilin.
Në ditët në vijim bashkia Vau Dejës do të ketë një sërë aktivitetesh kulturore dhe artistike në mënyrë që atmosfera e festave të fundvitit të ndjehet sa më shumë tek gjithë qytetarët.
