Bardh Spahia përkujton 2 prillin 1991 me fjalën e tij të parë në Kuvend. “Me 11 maj shkodranët nuk do e humbin takimin me historinë për ta rikthyer qytetin tonë drejt prosperitetit dhe në dorë të shumicës së njerëzve të lirë për ta rikthyer madhështore”

Bardh Spahia ka zgjedhur ta perkujtoje 2 prillin e 1991, permes nje reagimi ne rrjetin social ku ka shperndare videon e fjales se tij te pare ne Kuvendin e Shqiperise, kushtuar kesaj ngjarje. Si nje prej protagonisteve te kesaj ngjarje, Spahia thote se Shkodra martire nuk i harron bijtë e vet.

Arben Broci, Bujar Bishanaku, Nazmi Kryeziu dhe Besnik Ceka me 2 prill u vranë sepse protestonin për liri, demokraci dhe zgjedhje të lira nga po e njëjta dorë që akoma sot vjedh zgjedhjet. Shkodra martire nuk i harron bijtë e vet, e unë do jem aty përsëri për tja plasur në fytyrë sa herë të kem mundësi atyre që akoma sot vjedhin lirinë.

Me 2 prill 1991 bijtë dhe bijat e Shkodrës, unë bashkë me ta, nuk e humbëm takimin me historinë duke rrezikuar çdo gjë. Me 11 maj shkodranët nuk do e humbin takimin me historinë për ta rikthyer qytetin tonë drejt prosperitetit dhe në dorë të shumicës së njerëzve të lirë për ta rikthyer madhështore.