Banorët e njësisë administrative të Postribës, i rezervuan një pritje të veçantë kandidatit për deputet të Partisë Demokratike – Aleanca për Shqipërinë Madhështore, Bardh Spahia. Gjatë bashkëbisedimit me banorët e një prej zonave që ka vuajtur më shumë plagët e komunizmit dhe persekutimin e ri të qeverisë Rama, kandidati Spahia tha se PD vjen me një program të mirëfilltë që pas 11 Majit sjell ndryshimin e madh për Shkodrën e Shqipërinë, ndryshe prej kundërshtarit që ka vetëm demagogji.
Për diasporën që votën e hedh më herët, Spahia kërkoi një angazhim maksimal, pasi i cilëson kontributorët kryesor të fitores.
Të takohet cdo qytetar, pasi të gjithë duhet ta kuptojnë diferencën se kush i përfaqëson sic duhet në kuvend tha Spahia, duke theksuar se kundërshtari është palë me krimin.
Postriba i dha mbështetjen maksimale kandidatit Spahia, duke shprehur besimin se fitorja e 11 Majit do të jetë e padiskutueshme dhe ai do të jetë zëri i tyre në kuvend. Të njëjtën mbështetje Spahia e mori edhe në Berdicë, në takimin e radhës me banorët e kësaj zone.
Në 11 Maj shkodranët dhe shqiptarët do të zgjedhin PD dhe nr.1, si alternativën e vetme për të ardhmen e vendit dhe familjeve të tyre, tha në mbyllje Spahia.
