Gjykata e Apelit të Tiranës ka rrëzuar kërkesën e Izet Haxhisën duke lënë në fuqi vendimin që e dënon me 21 vite burg për vrasjen e deputetit Azem Hajdari, ish truprojen e tij Besim Çerja dhe plagosjen e truprojes tjetër, Zenel Neza ndodhur më 12 shtator 1998.
Izet Haxhia ankimoi vendimin e gjykatës së Tiranës duke kërkuar prishjen e vendimit dhe kthimin e çështjes për rigjykim me një tjetër trup gjykues për shkelje të rënda të rregullave proceduriale të gjykimit ose në alternativë deklarimin e pafajshëm.
Në përfundim të rigjykimit, Gjykata e Rrethit Gjyqësor Tiranë, me vendimin nr. 314, datë 11 shkurt 2022 kishte vendosur:
– Deklarimin fajtor te te pandehurit Izet Haxhia per kryerjen e vepres penale të “Vrasje me paramendim” e kryer në bashkëpunim, dhe në bazë të nenit 78/2 e 25 të K.P denimin e tij me 21 (njëzet e nje) vjet burgim.
Apeli
Çështja në apel u shqyrtua mbi bazën e ankimit të bërë nga Prokuroria e Rrethit Gjyqësor Tiranë dhe vetë Izet Haxhia.
Prokuroria kërkoi deklarimin fajtor e dënimin me 25 vite burg. Ndërkohë Izet Haxhia kërkoi prishjen e vendimit dhe kthimin e cështjes për rigjykim me një tjetër trup gjykues për shkelje të rënda të rregullave proceduriale të gjykimit ose në alternativë deklarimin e pafajshëm.
Në përfundim të gjykimit, Gjykata e Apelit Tiranë, e përbërë nga trupi gjykues me Relatore Gjyqtare Marsela Dervishi dhe anëtarë Alma Ahmeti dhe Ornela Naqellari, me vendimin nr. 1045, datë 31 tetor 2022 vendosi: Lënien në fuqi të vendimit nr. 314 datë 11.02.2022 të Gjykatës së Rrethit Gjyqësor Tiranë.
