Aksident i rëndë automobilistik në aksin Lezhë-Laç. Burime bëjnë me dije se një automjet ka përplasur për vdekje një këmbësor në afërsi të kryqëzimit të Spitenit. Sipas të njëjtave burime, drejtuesi i mjetit nuk e ka vënë re këmbësorin, i cili po levizte në anë të rrugës, duke e tërhequr atë zvarrë për disa metra dhe duke i shkaktuar vdekjen e menjëhershme. Policia ndodhet në vendin e ngjarjes për të zbuluar rrethanat dhe shkaqet e këtij aksidenti.
