Agron Hasanaj është drejtori i ri rajonal i tatimeve në Shkodër, duke zëvëndësuar në këtë detyrë Sidrit Istrefin. Emërimi i tij vjen në kuadër të ristrukturimeve që po bën partia socialiste në të gjitha drejtoritë rajonale të qarkut. Hasanaj prej 3 vitesh ka mbajtur detyrën e drejtorit të drejtorisë së kontrollit tatimor, ndërsa vjen nga një përvojë e gjatë në sektorin bankar privat. Ai ka përfunduar studimet e larta në administrim – biznes dhe ka qënë edhe më herët për një periudhë disa mujore në krye të tatimeve të Shkodrës.
