Ballina Sport “Shkrihen akujt”! / Benet Beci pret drejtuesit e Vllaznisë dhe trajnerin e...

“Shkrihen akujt”! / Benet Beci pret drejtuesit e Vllaznisë dhe trajnerin e ri, Csaba László: Bashkia e angazhuar për përmirësimin e “Loro Boriçit”

Duket se akujt janë shkrirë!

Kryetari i Bashkisë Shkodër, Benet Beci, ka pritur në zyrën e tij presidentin e KF Vllaznia, Alban Xhaferi, trajnerin hungarez Csaba László dhe kapitenin e skuadrës, Bekim Balaj.

Përmes një postimi në rrjetet sociale, Beci ka bërë të ditur se gjatë takimit është diskutuar për ecurinë e skuadrës kuqeblu, objektivat për sezonin dhe bashkëpunimin mes klubit dhe Bashkisë Shkodër.

Një pjesë e bisedës i është kushtuar edhe stadiumit “Loro Boriçi”, ku kryebashkiaku ka theksuar angazhimin e institucionit që drejton për mirëmbajtjen dhe përmirësimin e kushteve infrastrukturore, si në fushën e lojës, ashtu edhe në ambientet për tifozët.

Beci i ka uruar mirëseardhjen trajnerit të ri në Shkodër dhe suksese skuadrës në objektivat e saj, duke nënvizuar se bashkëpunimi me Vllazninë do të vijojë edhe në të ardhmen.

“Vllaznia është më shumë se një skuadër futbolli. Është histori, traditë dhe krenari e gjithë Shkodrës”, shkruan Beci në reagimin e tij.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Enable Notifications OK No thanks